ISHLANMA KUTUBXONALARI VA KOMPONENTLARINI TAHLIL QILISH SERVISI (SCA)
“Ishlanma kutubxonalari va komponentlarini tahlil qilish” servisi (keyingi o‘rinlarda – SCA (Software Composition Analysis)) – bu ilovaning komponent tarkibining tahlilidir. Bunday tahlil zaif komponentlarni va xavfsizlik nuqsonlarini aniqlash imkonini beradi.
Zamonaviy ilovalarning aksariyati ochiq boshlang‘ich koddan iborat. Ko‘pincha ochiq boshlang‘ich kod ilovalar kodining 90 foizigacha qismini tashkil qiladi. Ilova ishlab chiqishda tashkilotlar duch keladigan muammolardan biri – bu kodning turli kutubxonalardan to‘planishi hamda, xatarlarni samarali boshqarish va kamaytirish imkoniga ega bo‘lish uchun, ularning barchasi xavfsiz bo‘lishi kerakligidir.
Ochiq boshlang‘ich kodli komponentlar amalda barcha tarmoqlardagi dasturiy ta’minotning asosi sanaladi. “SCA” servisi ilovalarni ishlab chiqishda qo‘llaniladigan ochiq boshlang‘ich kodli kutubxonalarni va ulardagi zaifliklarni kuzatib borishga yordam beradi. Bu ham unumdorlik nuqtayi nazaridan, ham xavfsizlik nuqtayi nazaridan muhimdir.
“SCA” servisi – ochiq boshlang‘ich kodli paketlarda zaifliklarni izlash va ularni bartaraf etish usullarini o‘rganishning samarali yechimi. “SCA” servisi sizga o‘z kodingizni va ilovalaringizning ishlash layoqatini himoyalash imkonini beradi.
